Актерката Сара Мишел Гелар повторно застана зад своето необично тврдење дека тајната на нејзиниот успешен 23-годишен брак со Фреди Принц Џуниор се сведува на едноставна работа – одделни бањи.
48-годишната актерка во вторникот изјави дека „тоа е навистина толку едноставно“, повторувајќи го истото тврдење што првпат го сподели во јуни 2025 година, за време на гостување во емисијата „Today“.
„Малите нешта ја чуваат привлечноста“
За време на разговор со E! News на премиерата на шоуто Star Search, со Гелар се согласи и манекенката Криси Тајген, која рече дека ваквите „мали нешта“ имаат големо значење во врската.
„Тоа се токму тие ситници. Мора малку да се зачува сексапилот“, изјави Тајген, додавајќи низ шега дека нејзиниот сопруг Џон Леџенд не успева секогаш во тоа.
Гелар дополнително се пошегува дека, барем од перспектива на нејзиниот сопруг, „тој никогаш не дознал“ за најприземните човечки навики – бидејќи одделните бањи го спречуваат тоа.
Долг брак и две деца
Сара Мишел Гелар и Фреди Принц Џуниор се во брак од септември 2002 година и имаат две деца – ќерка Шарлот (16) и син Роки (13). Тие се запознаа во 1997 година на снимањето на филмот I Know What You Did Last Summer, но започнаа врска дури три години подоцна.
Работа, не „потрошна врска“
Во 2024 година, актерката – најпозната по улогата во серијата Buffy the Vampire Slayer – за Fox News Digital изјави дека за секој брак е неопходна постојана работа и посветеност.
„Живееме во општество во кое сè е потрошно. Телефонот се расипува – купуваме нов. Мислам дека истиот однос често се пренесува и на врските“, рече таа тогаш, нагласувајќи дека долготрајниот однос бара труд, а не брзи решенија.
Редакција Фронтлајн
