Министерот за правда Игор Филков остварил работна средба со раководството на Државна изборна комисија, на која се разговарало за реформите во изборното законодавство и за институционалната соработка во процесот на подготовка на законските измени.
На средбата присуствувале претседателот на ДИК Бојан Маричиќ, потпретседателот Абдуш Демири и членот на Комисијата Ангелчо Ристов.
Разговор за подобрување на изборната рамка
Според информациите од средбата, било дискутирано за можностите за унапредување на постојната законска рамка, како и за зајакнување на транспарентноста и ефикасноста на изборниот процес.
Посебен акцент бил ставен на усогласување на изборното законодавство со современите демократски стандарди.
ДИК ќе достави предлози за законските измени
Претставниците на ДИК најавиле дека во наредниот период ќе достават свои предлози и сугестии, кои ќе бидат разгледани од страна на работната група формирана за подготовка на реформите во изборното законодавство.
Од средбата било истакнато дека институционалната соработка е важна за креирање стабилен и транспарентен изборен систем.
„Соработката меѓу институциите е клучна за креирање стабилен, транспарентен и доверлив изборен систем, во интерес на граѓаните и демократските процеси во државата“, се наведува во информацијата од средбата.
