Комисијата за надворешни работи на Европскиот парламент ја усвои препораката на хрватскиот европратреник Тонино Пицула за Западен Балкан во пресрет на самитот ЕУ-Западен Балкан 2020, јави дописникот на МИА.
Препораките беа усвоени со 58 гласа „за“, 7 „против“ и 5 „воздржани“. Тие ќе бидат доставени и треба да бидат потврдени на пленарна сесија од Европскиот парламент на една од следните сесии.
-Во извештај е јасен знак за поддршката на Европскиот парламент на аспирациите и напорите на земјите од Западен Балкан да станат членки на ЕУ, откако ќе се исполнат сите критериуми. Исто така е тој е јасен знак дека ние општо го поддржуваме продолжувањето на процесот на проширување, бидејќи тоа е една од најуспешните политики на ЕУ. Политиката за проширување е исто така предуслов за промовирање на присуството на ЕУ и нејзиниот стратешки интерес за Западен Балкан, така што проширувањето треба да се сметаа дека е од на заеднички интереси, изјави известувачот на ЕП Тонино Пицула (Социјалисти и демократи)
Европратениците сметаат дека целосното членство на земјите од Западен Балкан во ЕУ е крајната цел, тие се против намалувањето на фондовите за претпристапната помош и сметаат дека треба да се направат напори за решавање на билатералните прашања во регионот.
Односно, тие сметаат, дека да се остави отвроена вратата на ЕУ за земјите од Западен Балкан е од сопствен политички, безбедносен и економски интерес на Европската унија.
Европратениците од Комисијата за надворешни работи, понатаму велат дека ЕУ треба да обезбеди дека нејзината методологија за проширување ги поддржува реформите и го одржува полноправно членство како крајна цел за земјите кандидати
-Одлуката за отворање разговори за пристап со Северна Македонија и Албанија беше во политички, безбедносен и економски интерес на ЕУ, велат европратениците.
Тие, исто така, ја повикуваат ЕУ што поскоро да му даде визна либерализација на Косово, како и да ги вклучи тесно претставниците на земјите од Западен Балкан во заедничките европски иницијативи (на пр. секторските политики и програми) пред нивното пристапување, во што се подразбира и Конференцијата за иднината на Европа.
Европратениците бараат од ЕУ треба да обезбеди реформите во Западен Балкан да се фокусираат на градењето на државните капацитети, спроведувањето на судските пресуди, судските реформи и напорите за борба против корупцијата и организираниот криминал. ЕУ, според нив треба се повеќе да се вклучи во решавање на билатералните прашања во регионот, промовирање на добрососедски односи и регионална соработка.
Европратениците се спротивставуваат на секое намалување на финансирањето на претпристапната помош, бидејќи тоа може да ги забави реформите поврзани со ЕУ.
-ЕУ треба да даде приоритет на специфични проекти во корист на луѓето од Западен Балкан и да обезбеди претпристапното финансирање да се распредели на транспарентен, пропорционален и недискриминаторски начин, засновано врз индикатори за успешност што го мерат напредокот на земјите-кориснички во спроведувањето на реформите, се вели во препораката на Комисијата за надворешни работи на ЕП.
