После објавата на Героски дека наводно „Македонците најмногу умираат од ковид-19“, Никола Спасов од агенцијата „Рејтинг“, ги демантира, како што вели, глупостите на Героски и објаснува каква е методологијата кога се пресметува процентот на смртноста. Спасов наведува дека смртноста на глобално ниво се мери во процент на починати од заразени и дека тоа е релевантната бројка која секаде ја среќаваме по медиуми и анализи.
„Геровски покрај тоа што беше експерт за многу работи вклчително и епидемиологија, од денес откривме дека е есперт за статистика. Човекот е несомнено со голем капацитет. Одамна му ги читам глупостите, ама ова за смртноста од коронавирус во Македонија нема да му ја отќутам.
Прво, смртноста на глобално ниво се мери во процент на починати од заразени. Тоа е релевантната бројка која секаде ја среќаваме по медиуми и анализи. Сигурно сте налетале на информации за смртност 3%, 4%…скоро по сите медиуми тоа се бројките кои се известуваат. Според таа статистика, смртноста од коронавирусот на светско ниво во моментов изнесува 6,92%.
Никој не го интерсира колку луѓе починале од коронавирусот на милион жители како што анализира Геровски. Бидејќи според таа анализа во првите пет земји во светот се Андора и Сан Марино. Сте слушнале некој да известува каква страшна смртност има во овие две земји? Секако не. Според истата анализа, Германија има смртност од 74 починати на еден милион или двојно повеќе од нас! Леле мајко! А сте слушнале ли некој да паничи каква страшна смртност има во Германија? Секако дека не, затоа што реалната смртност во Германија е 3,88%.
Анализа на милион жители е единствено релеванта кога станува збор за број на тестови. Секако, сајтот на кој се повикува Геро, worldometers ги има и двете анализи, за тестови и починати на еден милион жители, но СЗО и епидемиолозите бројката на смртност на милион жители воопшто не ја користат, туку оваа на починати од заразени.
Е сега, откако откривме која бројка реално треба да се анализира, а не која статистичарот Геровски пробува да ја продаде, да ги видиме и бројките.
Според табелата во прилог (анализата е заклучно со денешните бројки) ние имаме помала смртност од европскиот и од светскиот просек. Односно смртноста во МКД денес е 5,00%, европскиот просек е 9,53% а светскиот 6,92%.
Второ, имаме пониска смртност од Словенија и Грција, а статистички незначајно поголема смртност (или да му превеам на Геро – нема разлика) со Бугарија. Значи не четири пати поголема смртност од Бугарија колега аналитичар, туку статистички незначајно различно. Единствено статистички значајно пониска смртност во регионот од Македонија имаат Србија и Црна Гора и Хрватска. Ова се може да се види во табелата.
И сега можам да продолжам да му објаснувам зошто е сеуште мал примерокот да се пресметува смртноста, ама тој е голем статистичар и знае. На пример сигурно знае дека само со денешните, за жал, починати 6 лица смртноста во Македонија се качи од 4,4 на 5 проценти. Тоа значи дека ако утре и задутре имаме среќа и нема починати, со новите заразени може пак да падне на 4,4 и така да се менува се додека примерокот значително не се зголеми и веќе дневните промени не влијаат драстично на вкупниот процент.
Па кои се другите варијабли кои може да влијаат на смртноста, како интензитетот на социјалната интеракција, општото здравје на нациите, просечна старост и сл..ама он тоа го знае. Геро е стар статистичар, искусен.
Поздрав колега.“, пишува Никола Спасов од агенцијата „Рејтинг“на Фејсбук,
