Министерството за здравство информира дека меѓу граѓаните се шири е-маил со невистината содржина испратен од лажна адреса која наликува на Министерство за здравство и апелира граѓаните да не потпаѓаат под оваа манипулација.
-Известен е Секторот за компјутерски криминал и дигитална форензика при Министерството за внатрешни работи кој веќе постапува за овој случај. Официјалната е-маил адреса на ресорното Министерство е: contact@zdravstvo.gov.mk. Упатуваме апел до граѓаните да не потпаѓаат на оваа манипулација, се вели во соопштението од Министерството за здравство.
Ширењето на лажни информации, особено во овие кризни времиња, е опасно за здравјето и безбедноста на граѓаните и штетно за целото општество.
