Во општина Прилеп денеска нема ниту новозаболени, ниту оздравени од коронавирус, додека бројот на активни случаи изнесува 30. На Инфективното одделение во прилепската Општа болница „Борка Талески“, хоспитализирани се 5 лица позитивни на коронавирус.
Од Центарот за јавно здравје информираат дека резултатите од направениот скрининг на вработените во детските градинки во општините Прилеп, Крушево, Македонски Брод и Кривогаштани, покажаа дека сите 242 вработени се негативни на коронавирус. Поединечно по општини во Прилеп 192, Крушево 21, Македонски Брод 24 и Кривогаштани 5. Во самоизолација се наоѓаат 50 лица, а заради неносење заштитни маски, на 14 граѓани им се изречени прекршочни казни.
