Стапката на невработеност во првиот квартал од оваа година изнесува 16,2 отсто, објави Државниот завод за статистика.
Според објавените податоци во првото тримесечје од годинава, активното население во земјава изнесува 967.733 лица, од кои вработени се 811.106, а 156.627 лица се невработени.
Според Државниот завод за статистика, од вработените 469.444 се мажи, додека 319.969 се жени.
Од невработените, пак, 106.757 се мажи, а 64.572 се жени.
Од неактивни, вкупно се 722.589 лица, од кои 266.346 се мажи, додека двојно повеќе или 456.243 се жени.
Стапката на активност во овој период е 57,4, а стапката на вработеност 48,1./МИА/
