Дел од 16-та улица која води кон Белата куќа во Вашингтон, по налог на градоначалничката Мјуриел Баузер, го доби името „ Плоштад Црните животи се важни“.
Градоначалничката исто така нареди слоганот да биде напишан со големи жолти букви на улицата во знак на протест против ставот на претседателот Доналд Трамп кон протестите за убиството на Џорџ Флојд кој беше убиен за време на апсење.
Градоначалничката на главниот град на САД на својот профил на Твитер објави фотографија и видео од преименуваната улица.
#BlackLivesMatter pic.twitter.com/OQg6977n5r
— Muriel Bowser #StayHomeDC (@MurielBowser) June 5, 2020
Таа исто така побара од претседателот на САД да ја повлече федералната армија од улиците на главниот град, каде што беше испратена да и помогне на полицијата за време на судири со демонстрантите во претходните денови.
