Јован Митрески од СДСМ на ТВ 24 зборуваше за деструктивното однесување на ВМРО-ДПМНЕ за време на пандемијата и дека и покрај тоа здравствениот систем успева да го контролира вирусот.
„80 % од заболените пациенти се знае точно од кои кластери се. Се следи секој контакт и ситуацијата е постојано под контрола. Лекарите и министерот за здравство објавија дека во иднина ќе се објавуваат имињата на граѓаните на кои ќе им се одреди мерка со изолација, и тоа е во контекст на заштита. Е сега, од една страна ВМРО ДПМНЕ ги критикува мерките, а од друга изјавуваат дека не ги знаат. Мерките се јавни, транспарентни. Сега ВМРО ДПМНЕ измислува дека ние во СДСМ не сме ги почитувале затоа што наши членови излегле надвор и се фотографирале, но во време кога немало полициски час. Тие постојано создаваат хаотична ситуација за да ја користат потоа против владата“, рече Митрески.
Тој посочи примери кога неодговорното однесување на поединци во ВМРО ДПМНЕ предизвикало паника кај населението.
„Знаете што значи Мицкоски да излезе јавно и да каже здравството има само уште 100 тестови за вирусот, за утредента да биде демантиран. Колкава е неговата одговорност? Можеше еднаш ВМРО-ДПМНЕ да излезе и за нешто да пофали дека добро е сработено, ама тие сакаат да создаваат хаос и нервоза. Еве ако не за пандемијата можеа да честитаат за пресадувањето на срцето, да му честитаат на здравствениот систем кој успеа во намерата, иако беше наследен лош здравствен систем“, рече Митрески.
