Бизнисменот Лазим Дестани, чие име се спомнуваше од страна на многу симпатизери на ДУИ како и портали блиски до оваа партија, јавно ги демантира сите гласини дека тој ќе биде кандидатот на ДУИ за „Прв премиер албанец”.
Во пресрет на парламентарните избори во Република Северна Македонија, на сите субјекти кoи се натпреваруваат, Дестани им испраќа честитки за достоинствена кампања и фер и демократски избори.
Во ова прилика, бидејќи последните денови во медиуми се спомнува моето име како кандидат за позицијата на Премиер, сакам да објаснам на целата јавност дека така како што сум изјавил и во минатото, паралелно со мојот бизнис, јас останувам посветен и на филантропија како и на моите активности во раководните структури на нашата дијаспора.
Ангажманот во политичкиот живот не бил и не е во моите планови и амбиции. Мојот придонес останува во сферата на економски развој преку претпријатијата во бизнисот, како што и сум направил во целата моја кариера, напишал Лазим Дестани.
Во својот пост тој посакува на изборите да излезе Влада која ќе работи за доброто на сите граѓани и за доброто на земјата. Посакувам на овие избори да излезе една Влада која ке ѝ служи најдобро на земјата и сите граѓани, напишал Дестани.
Неговото име се спомнуваше од активисти на ДУИ и порталите блиски со оваа партија. На едно од излагањата пред јавноста, претседателот на ДУИ, Али Ахмети, тврдеше дека „Првиот премиер албанец”, бил негов сон кој останува да го спроведат другите, а истовремено од неговата партија излегоа со кампања дека сега е време за прв премиер албанец.
Но, од сите други албански партии во земјава одбија да им се придружат на оваа кампања обвинувајќи дека се работи за лицемерие и предизборна измама на ДУИ со цел добивање повеќе гласови.
Арбен Зекири
