Меѓу шестмината кои вчера донираа крвна плазма, се најде и медицинската сестра Лилјана Јакимовска од Штип. Министерот Филипче во објава на Фејсбук, ги повика сите оние кои оздравеле од вирусот и ги исполнуваат условите, да донираат за да се спасат повеќе животи.
Вчера шест лица даруваа крвна плазма, а една од нив е и медицинската сестра Лилјана Јакимовска од Штип. Да им помогнеме на заболените од ковид-19 побрзо да оздрават.
Досега се обезбедени 52 единици конвалесцентна плазма за третман на пациенти со коронавирус. Благодарност до сите хумани дарители. Ги повикувам сите излекувани пациенти кои ги исполнуваат условите за дарување плазма да даруваат. Да бидеме хумани и да спасиме човечки животи, напиша во пост на Фејсбук министерот за здравство, Венко Филипче.
