Српските медиуми објавија дека лидерот на ЛДП, Чедомир Јовановиќ, го претепал сопственикот на Клиниката за физикална терапија „Физио центар“ во Нов Белград. Според „Блиц“, инцидентот се случил околу 17 часот на ул. „Милутин Миланковиќ“ бр.1.
Како што се наведува, Јовановиќ на сопственикот на клиниката Д.И. (41) со тениски рекет му задал неколку удари во пределот на главата и телото. Тој, наводно, излегол од црн џип и го нападнал сопственикот на клиниката.
Порталот Б92.net наведува дека се обидел да контактира со Јовановиќ за да ги провери тврдењата на медиумите, но неговиот телефон бил исклучен.
Јовановиќ деновиве излезе од болница каде беше хоспитализиран поради зараза со коронавирус.
