Градоначалникот Роберт Бешовски информира дека следува втората фаза со поставување на 10 соларни ламби, кои ќе им овозможат на туристите и сите посетители и месното население да уживаат во чистиот воздух и во вечерните часови и три контејнери поставени меѓу летниковците за поголема заштита на животната средина,
Тој најави и поставување на мапи за планинарските водичи и за учесниците на планинарскиот марш Сирково-Клепа, како и набавка на црево за водоснабдување во селото Грнчиште.
– Целта е преку овој проект за модернизација на овој комплекс да ги привлечеме домашните и странските туристи покрај вештачкото езеро „Подлес“, потенцира Бешовски.
Општина Градско како дел од ЛАГ (Локална Акциона Група) ВАРДАР ЛЕАДЕР – Градско го имплементира овој проект со сопствени и средства од Програмата за финансиска поддршка на руралниот развој за 2019 година од АФПЗРР – подобрување на условите на жителите во руралните средини, и развој на руралниот туризам.
