По обвинувањата од партискиот портпарол на ВМРО-ДПМНЕ Наум Стоилковски, кој вели дека владата намерно лажела за да ја задолжи државата за дополнителни 180 милиони евра, колку што, според пресметките, чинеше исправањето на грешките на автопатот „Кичево-Охрид“, министерот за транспорт и врски Горан Сугарески за Дојче веле, вели дека промашувањата во проектирањето биле катастрофални и дека такви утки градежништвото не познава.
Откако ги направивме сите анализи, сите стручни лица укажаа дека постои голема неусогласеност меѓу проектот и состојбата на терен за што моравме да реагираме за да ги заштитиме националните интереси.
Ве уверувам дека градежништвото не познава вакви утки како што се направени со автопатот Кичево-Охрид. Не само што е утната трасата, замислете таа минува над резервоарот со вода од каде што се снабдуваат Кичевчани. Постои огромна неусогласеност и помеѓу проектната документација и состојбата на терен.
Сугарески во изјавата за Дојче Веле, го истакнува и огромното промаршување при дефинирањето на категоријата на земјиштето кај тунелот.
Дополнително наидовме и на огромни проблеми во изградбата на тунелот бидејќи во проектот е дефинирана втора категорија на земјиштето, но на терен состојбата е поинаква, потенцира министерот Сугарески.
