Почнува да се реализира првата од четвртиот пакет економски мерки, со која на постоечките корисници на кредитни линии од Развојната банка, ќе им бидат обезбедени дополнителни 3 месеци грејс период пред да започнат со исплата на ануитетите од земените кредити, напиша заменикот на Претседателот за борба против корупцијата и криминал, одржлив развој и човечки ресурси, Љупчо Николовски на својот Фејсбук профил.
-Државата е партнер на стопанството и граѓаните, со ова ќе се даде дополнителна поддршка на компаниите во надминување на кризата.
Бескаматната кредитна линија Ковид 1 на РБРСМ во вредност од 5,5 милиони евра, беше наменета за најпогодените дејности на почетокот на ковид кризата, односно за угостителстката, транспортната и туристичката дејност. Од оваа линија беа одобрени 737 кредитни апликации на компании кои вработуваат 6.509 лица, напиша Николовски.
