Израелскиот премиер Бенјамин Нетанјаху во телефонски разговор со својот етиопски колега, Аби Ахмед, вчера му соопштил дека има намера веднаш да пресели 2.000 Евреи од Етиопија во Израел.
Околу 13.000 Евреи во Етиопија во тешки услови чекаат да се преселат во Израел, земјата што ја сметаат за „свој дом“, каде веќе се засолниле некои нивни роднини, а самите се закануваат со штрајк доколку до тоа не дојде.
Уште пред почетокот на пандемијата на коронавирусот од Етиопија во Израел се преселиле околу 250 лица, но оттогаш се откажани ваквите аранжмани, а израелските власти сега интервјуата со кандидатите за преселување ги прават онлајн, на Интернет, за американските медиуми наведуваат од Еврејската заедница во Етиопија.
Во 1991 година, во екот на граѓанската војна во Етиопија, Израел со авиони префли 14.500 Евреи од оваа земја, но уште во 2015 година има ветено дека дека ќе ги донесе и останатите, наведуваат активисти.
