„Владата не испорачува пресуди, тоа го прави Судството, Обвинителството, вие сте професор на Правен факултет и ги знаете овие работи…Законите се добри, извештајот на ЕК тоа тоа го покажува, реплицираше Дане Талески од СДСМ во денешното издание на „Само вистина“ на Канал 5.
Претходно, меѓународниот секретар на ВМРО-ДПМНЕ Тимчо Муцунски рече дека земјата има сериозни проблеми во судството, влада којашто три години нема преземено ниту една реформа, мерка за реформа на правосудството, влада којашто се занимаваше да и се обезбеди на осомничената Катица Јанева место како Заменик Републички јавен обвинител доколку не и продолжи мандатот, а потоа се виде виде како таа реформа наеднаш се повлече.
„Не е во ред кога личниот адвокат на премиерот Заев седи со Републичкиот јавен обвинител ден пред да се носат крупни круцијални пресуди, не е во ред на градоначалник на општина да му се јавува премиерот за одлука за промена на судија, а паралелно со тоа во јавното обвинителство по допрен глас да не отвори истрага за очигледно за многу сериозно и директно влијание врз правосудтвото“, вели Муцунски.
На тоа Талески му одговори дека цела деценија Македонија гледала што е режим.
„10 години имавме ние режим кој што хараше во сите институции на државата, имаше страшна злоупотреба на моќта, инструментализација на безбедносните служби и целосна доминација и контрола на судството“, рече Дане Талески.
Муцунски рече дека од било која мерка којашто е преземена од владата, а најголем дел според него се фиктивни мерки коишто не постојат, македонскиот граѓанин не живее подобро. Тој исто така го потенцираше недобиенот датум за отпочнување на преговори со ЕУ.
„Никој не беше против Република Северна Македонија да добие да добие датум за преговори, односно одлука за преговори дури ни Макрон, единствен кој што се израдува на тоа мислејќи дека ќе добие некои тесни политички поени беше вашиот лидер Мицкоски..Во однос на темите на внатрешни реформи кои не се постигнати, социјалниот пакет е зголемен за 300 посто, внимавајте 300 посто, три пати, опфатот на деца кои имаат добори детски додаток 72.000 деца, 72 000 деца, минималната плата 9000 денари беше во времето на ВМРО – ДПМНЕ моментално е 14.500 идната година ќе биде 15.000 и 16.000, растот на плати во десет години владеење на ВМРО – ДПМНЕ, просечната плата е порасната само за 840 денари, 840 денари дозволете во рок од десет години, во две години од владата на СДСМ е зголемена просечната плата 2.200 денари, 2.200 денари, не е доволно, далеку сме од тоа што е потребно за граѓаните…Ветувањето ќе биде постигнатно ако продолжат трендовите кои владата ги почна во текот на 2020 година ќе биде постигнато и тоа ќе биде еден од првите успеси на вториот мандат на премиерот Заев“, рече Tалески.
