Попладневен преглед: Јазикот на Ерато е универзална љубов, или како шт

Регистрирани 1.342 нови случаи на Ковид-19, оздравени 679 пациенти, починаа 22 лица. Вкупната бројка на ковид дијагностицирани во нашата земја од почетокот на епидемијата изнесува 65.231, бројката на оздравени пациенти е 41.656, на починати е 1.847, а бројот на активни случаи изнесува 21.728.

Бучковски треба да биде мотиватор за спроведување на Договорот со Бугарија, вели Заев. Премиерот денеска изјави дека специјалниот претставник на Владата за Бугарија Владо Бучковски треба да биде само мотиватор за спроведување на Договорот за пријателство и добрососедство, а оти преговорите за изнаоѓање решение и натаму ќе ги води Министерството за надворешни работи.

Со над 500 амандмани ВМРО-ДПМНЕ блокира измени во Законот за здравствена заштита. 3.000 амандмани, најмногу од нив апсурдни и нелогични, поднесе ВМРО-ДПМНЕ заедно со другите опозициски пратеници за измените на Деловникот за работа на Собранието.

Заев: Она што деновиве го прави ВМРО-ДПМНЕ е лажен патриотизам. Сето она што го прават овие денови е живогребност за доаѓање на власт и ништо друго. Наводна борба да се заштити македонскиот идентитет и македонскиот јазик кои, нели by the way, ги изгубивме со Преспанскиот договор, што само по себе потврдува дека не е точно и е лажен патриотизам и асполутно е на штета на државата, изјави Заев.

Османи: Договорот со Бугарија е решение, со акциски план ќе се создаде предвидливост за негова примена. Османи оценува оти е поголема штета да се дозволи да исчезне довербата во Договорот, бидејќи ако тој се изгуби, како што посочи, би се вратиле во ситуација на односи без рамка, а тие ги имавме 30 години и видовме какви беа резултатите.

Најмалку 10 компании заинтересирани за ТЕЦ Неготино. Досега има најмалку 10 компании заинтересирани за ТЕЦ Неготино, затоа што тој има одлична географска местоположба, одлична поврзаност со мрежата и трафостаници кои можат да ја примат енергијата од новото производство на струја, рече Заев, одговарајќи на новинарски прашања по пуштањето во употреба на фотонапонската централа на „ЕВН Македонија“.

Почина Благоја Стефановски – Баге, поранешен министер за култура. Стефановски беше болен во последно време, а потоа и позитивен на Ковид-19. Како директор на Битолскиот народен театар од 1975 до 1980 година тој ги постави основите за забрзан уметнички развој на оваа театарска куќа.

ПЕС: Заев демонстрира храброст и лидерство, неговата држава заслужува преговори. Оттаму повикуваат на длабински дијалог помеѓу Бугарија, која 13 години е членка на ЕУ и на Северна Македонија која силно ја изрази желбата за пристап кон унијата. Во изјавата на ПЕС се дополнува дека премиерот Зоран Заев продолжува да демонстрира храброст и лидерство.

БГНЕС: Героски измисли „интервју“ на Бучковски со нашата агенција. Со бројни „цитати“ од она што Бучковски го кажал за БГНЕС и „забелешки и прашања“ од „новинарот на БГНЕС“, се потсетуваме на повиците за линч на „непријателите на народот“ од периодот по Втората светска војна.

Јазикот на Ерато е љубов и после три години од промоцијата на „Гуш и Бац“ – Зоран Кардула за Фронтлајн. Јазикот на Ерато е универзална љубов која не познава време и граници. Или како што ќе каже Ерато: Кајн пм’п – Граници не постојат.

Утре средба на Филипче со координативното тело за вакцината за Ковид 19. На состанокот ќе се разгледува стратегијата за имунизација со вакцина за Ковид 19 како и за приемот и дистрибуцијата на вакцините, категориите на граѓани кои ќе бидат први вакцинирани, како и текот на постапката на вакцинација.

Студија: Луѓето без симптоми на коронавирусот се 42 отсто помалку заразни.

И.Т.З.

Министерката за култура во посета на штипскиот Дом на млади

НАЈНОВО

(ВИДЕО) Јапонските власти со видео со ВИ покажуваат како пепел од Фуџи би го покрил Токио

Газа остана без лекови за синдромот Гилијан-Баре, има и жртви

Трамп нареди да се укине заштитата од Тајната служба за Камала Харис

НАЈЧИТАНО

Реконструкција на Владата – Дали ВМРО калкулира со ДУИ зад кулисите?

Клековски: Нема ниту една пријава за непотребна операција, ги повикуваме пациентите да поднесат претставки доколку се сомневаат

Колку „тежи“ венчалниот прстен што го доби Тејлор Свифт

Висар Адеми како независен кандидат за градоначалник на Гостивар

Охридски пливачки маратон: Шеснаесет пливачи и пливачки од шест земји ќе пливаат на патеката „Климе Савин“