Антипандемична мода или мода за време на пандемија – ова е најлесниот начин да се опише она што се случува на модните писти -најновите трендови во облеката третираат анксиозност поради живеењето во најнеизвесната година досега. Ние ги издвоивме клучните стилски одредници за сите оние кои се храбри и подготвени да го пречекаат крајот на оваа 2020 година со посебен стил.
Дали повторно ќе завршиме во некаква варијанта на карантин? Дали модната индустрија, каква што ја знаеме, е веќе минато? Фановите на модната индустрија си ги поставуваат овие прашања со месеци бидејќи, да бидеме искрени, светот едноставно запре, фокусот на потрошувачите се смени.
Наместо удобност и луксуз, здравјето сега е на прво место, а недостатокот на социјална интеракција ја намали потребата за облека. Последните шест месеци ги поминавме облечени во удобни тренерки, хеланки и широка облека, што добро сокри неколку вишок килограми добиени за време на изолацијата. И покрај сè, светот оди напред, а исто така и модната индустрија, која е колатерална жртва на пандемијата.
Зимата веќе тропна на нашата врата и четири трендови се појавија како лидери во светот на стилот оваа сезона. Една од нив е секако црвениот колористички акцент кој успешно се провлекува во есенските и зимските месеци. Без разлика дали станува збор за жива црвена нијанса или заситена, бургундска, оваа боја е апсолутна кралица на палетата.
Бројни дизајнери се осмелија овој период црвената боја да ја вклучат во своите колекции. Оваа боја е симбол на силата, заведува и привлекува внимание и совршено се вклопува во сивите есенски и зимски денови. А нели мислите дека и после ваква мрачна година, црвен фустан е најдоброто решение?
Добро ќе си речете – ќе ја поминеме новогодишната ноќ дома? Но, наместо црвени тренерки или пижами, дозволете си црвен убав фустан и чувтствувајте се гламурозно дочекувајќи ја новата година за која зборуваме со месеци.
