Мислењето на експертите на Венецијанската комисија за Законот за јазицит за едни ќе биде имлементирано во Законот, а за други пак последниот збор го дава Собранието. Државниот врв со став дека треба да се почека конечната верзија па да се коментира ставот на Комисијата.
Премиерот Зоран Заев вчера рече дека Владата е подготвена да го имплементираме мислењето на експертите бидејќи, според него, сето тоа што го предлагаат е на нивото на европските пракси.
-Рековме дека ја почитуваме Венецијанската комисија, која ќе го даде нејзиното конечно мислење, бидејќи досега како што коментираа, што е поважно дали владеењето на правото и очекувањето да се добие правда или употребата на јазикот. Можеме да дадеме објаснувања колку се важни правото на јазикот и на правда, за на крај да можеме да дадеме свое мислење и да можат тие да го оформат своето мислење, рече премиерот Заев.
Вицепремиерот за европски прашања Бујар Османи, пак, смета дека Законот за јазици е еден од основните столбови на Охридскиот рамковен договор, закон со кој може да кажеме дека административниот дел од Охридскиот договор е затворен.
– Секое враќање назад ќе значи отворање на Рамковниот договор и нови преговори, потенцира Османи.
Сепак, тој посочи дека конечните препораки од Венецијанската комисија ќе се разгледаат и ќе се земат предвид, но одлуките се носат тука во Собранието.
– Има работни верзии, нема извештај. Јас сум видел работна верзија во која се вели дека двојазичноста на банкнотите и на униформите на војската е добра. Затоа велам дека се работни верзии, што даваат различен поглед на различни известувачи по однос на прашањето, повтори вицепремиерот Бујар Османи
Шефот на државата Стево Пендаровски вчера рече дека станува збор за нацрт на документ кој, според него, е пробиен од нечии лични или политички причини предвреме.
-Не би сакал да се произнесувам на едно парче од документот кое е пробиено и тоа парче, тој дел, таа страница и пол до две е од драфт, значи дел од начелна верзија, не е финална верзија, рече Пендаровски.
Министерството за правда пред два дена посочи дека нема да го кометира мислењето на експертите на Венецијаската комисија за Законот за јазиците сè до неговото усвојување од комисијата кога станува официјално.
– Мислењето на експертите на Венецијаска комисија е класифицирано сè до неговото усвојување од Комисијата кога станува официјално. До неговото официјализирање нема да го коментираме, а штом ќе биде усвоено ќе го почнеме процесот на имплементирање на препораките содржани во него, велат за МИА од Министерството за правда.
Доцна синоќа, прес-службата на Венецијанската комисија соопшти дека Комисијата го одложи донесувањето на мислењето за Законот за употребата на јазиците во Република Северна Македонија, јави дописникот на МИА од Стразбур.
Извештајот беше ставен на дневен ред на 120-та пленарна сесија на Венецијанската комисија закажана за 11 и 12 октомври во Венеција. Комисијата беше поканета да размени мислења со претставникот на Северна Македонија, да го разгледа, во поглед на неговото усвојување.
Извор: МИА
