Извори од Владата на највисоко ниво брифираат за ФРОНТЛАЈН дека во моментов течат интензивни консултации поврзани со Самитот на ЕУ. Консултации се вршат со сите засегнати страни во државата и општеството, со цел да се донесат одлуки што се во интерес на државата и ништо друго.
Не постои друг мотив, освен мотивот државата да оди напред, па така и во овој деликатен момент, ќе се носат одлуки што се во корист на државните интереси. Секоја одлука, како и до сега, па така и во наредниот период, ќе биде донесена исклучиво во интерес на државата. Премиерот ќе ја донесе конечната одлука во согласност со интересите на државата и ништо друго, децидни се изворите на ФРОНТЛАЈН.
Со исклучок на францускиот претседател, лидерите на сите земји членки на ЕУ ја поддржуваат Северна Македонија во напорите да добие датум за преговори на Самитот на ЕУ во Брисел. Франција бара да се одложи процесот до април 2020 година. Многумина меѓу дипломатите и лидерите, како и граѓанското општество, се на гледиштето дека Зоран Заев не треба ни да помислува на оставка и дека ова одложување не е ни оддалеку причина за политичка криза.
