Градоначалникот на Штип и претседател на Комисијата за транспорт и врски на СДСМ, Благој Бочварски, во дебата на ТВ 24 изјави дека промената на името се случила од една единствена цел, а тоа е интегрирање на државата во НАТО и Европската унија, пренесува Слободен печат.
-Промената на името е со цел евроатлантска интеграција на државата. Најголем патриотизам е да се внесе Македонија во НАТО. ВМРО-ДПМНЕ во изминатиот период ја оддалечи државата од европските текови- вели Бочварски.
Бочварски исто така говореше за реализацијата на инфраструктурните проекти и рече дека ВМРО-ДПМНЕ истите го договарала во четири очи.
„Експресните патишта се половина од патиштата. Во наредните години, патиштата може да станат експресни патишта со додавање на две ленти. ВМРО-ДПМНЕ треба да ги признае грешките кои ги слушавме во бомбите. Сега со најсилна динамика се работи на изградба на автопатишта“, рече Бочварски.
Бочварски потенцираше дека во фаза на проектирање се и повеќе патишта и две ипол години се прекраток период за периодот од 11 години на претходната власт. Тој го презентираше фотографии од автопатот Миладиновци – Штип со столбови на трасата кои сега се дислоцирани откако претходно биле легализирани за да може да бидат дислоцирани.
„Требаше да се пушти автопатот, а одредени села беа отсечени од светот и тие проблеми требаше да се решат. На таа траса немаше добро геомеханички испитувања. Косините биле проектирани со преголем агол и се случувало одронување на цели планини на патот“, рече Бочварски.
Синиша Ивановски од ВМРО-ДПМНЕ, претседател на партиската комисија за транспорт и врски во рече дека безбедноста на патиштата се на нулта ниво, нема безбедноста сигнализација, без лед диоди и дека несреќите што се случуваат на годишно ниво расте. Тој потенцираше дека во времето на ВМРО-ДПМНЕ се започнати многу изградби на автопатишта.
„Секоја опозиција вели дека владата што ветила не исполнила, но има деличично задоволство кое сега е на повиоко ниво. Она што е ветувано во изборната програма и на митинзите е едно сериозно потфрлање“ рече Ивановски.
