Министерката за правда Рената Дескоска денеска имаше средба со еврокомесарката за правда, потрошувачи и родова еднаквост Вера Јурова, на која се разговараше за реформските процеси што се одвиваат во земјава, пренесе МИА.
Како што соопшти Министерството за правда, на средбата Дескоска изрази жалење за недонесувањето одлука за отворање на преговорите со Република Северна Македонија и покрај тоа што препораките на ЕУ беа исполнети.
Дескоска потенцираше дека сепак, таквата одлука не го стопираше процесот на реформи, кој пред се се одвива поради интересот на граѓаните.
Министерката за правда, како што се наведува во соопштението, искажа очекување дека ЕУ ќе ја преиспита својата одлука за отворање на преговорите, и напомена дека тоа ќе биде одлука со која ќе го приближи Западен Балкан кон ЕУ.
