За СДСМ добро е да им дадевме не техничка туку цела Влада со се министри и заменици во секое министерство, вели генералниот секретар на СДСМ Љупчо Николовски.
„За општеството добро е што за неколку дена власт ги потсетија граѓаните на тоа дека се истите и непроменети груевистички кадри и го освежија сеќавањето на режимскиот стил на владеење со ароганција, страв, притисоци, закани, уцени, насилство, снимање, тепање и многу лаги и манипулации.
Кадрите на ова нереформирано дпмне заборавија дека тоа време заврши.
Но, за државата е добро што го продолжуваме демократскиот пат на слобода, сигурност и извесна иднина за генерациите во земја ослободена од режим, со решени проблеми, засекогаш безбедна и членка на НАТО, со трасиран пат во ЕУ и со политики за грижа и помош за секој.“, реагира Николовски после незаконскиот упадот со камера на заменскиот кадар на ВМРО-ДПМНЕ Цветан Трипуновски во просториите на подрачната единица за земјоделство во Берово.
