Поранешната Специјална Обвинителка, Лиле Стефанова не успеа да сведочи денеска во судскиот процес Рекет, поради отсуството на двајцата адвокати на Катица Јанева.
Судијката Васка Николовска-Масевска на почетокот на рочиштето извести дека адвокатот Дељо Кадиев на 15 јануари, доставил барање за одложување на седницата и известување дека до петок ќе биде на терапија во Клиниката за инфективни болести.
Другата адвокатката Ирена Фрчкоска утринава известила дека и е влошена здравствената состојба, а судијката и даде рок до утре да достави медицински извештај за нејзината здравствената состојба.
Денешната седница е одложено за четврток 23. јануари во 10:00 часот, а судијката ги потсети дека ако едниот адвокат нема да може да биде присутен, со другиот може да продолжи рочиштето. Во судницата денеска беа донесени со полициска придружба и обвинетите, Бојан Јовановски од притворот Шутка и Катица Јанева од куќен притвор.
А. Зеќири
