Граѓани и активисти попладнево ги повикаа пратениците, пред распуштањето на парламентот, да ги изгласаат законските измени за забрана на увоз на „отпад за горење“ од странство. Симболично, седнаа на булеварот пред Собрание за да ја прикажат „чекалницата” во која, како што велат, се оставени граѓаните додека законот е заглавен во собраниска процедура, пренесува 360 степени.
Организаторите на протестот кој го носи името „Петоци за иднинатата-Скопје”, што е домашен пандан на слични настани во многу светски градови, упатија Барање за итен мораториум на увозот на отпад до собраниските служби.
Непосредно пред протестот, на прес-конференција во зградата на Собранието, координаторот на пратеничката група на СДСМ и коалицијата Јован Митревски најави дека СДСМ ќе гласа „За“ законот.
