Собраниска комисија за финансирање и буџет, година господова 2012. На говорница излегува пратеничката од СДСМ Радмила Шекеринска. Во позадина се слушаат дофрлања од пратеникот на ВМРО-ДПМНЕ Илија Димовски:
„Горан, ќе те спружам на насловна страница!“, му дофрла Илија Димовски на Горан Мисовски
Шекеринска реагира дека точна и јасна беше заканата на Димовски – веде уредникот на пола медиумите во Македонија, дека некого ќе стави на насловна страна, на што реагира Димовски со зборовите: ќе го СПРУЖАМ, му НАГЛАСУВАМ!
Илија Димовски во моментот кога ги упатува заканите кон претседавачот Мисовски, е пратеник од владејачката партија и директор на Центарот за комуникации на ВМРО-ДПМНЕ.
Оваа директна закана на Илија Димовски кон претседавачот Горан Мисовски е типчено признание на тоа кој раководеше со медиумите, и кој ги креираше вестите и насловните страници на прорежимските телевизии, печатени медиуми и интернет портали во време на владеењето на ВМРО-ДПМНЕ и режимот на Груевски. Она што уште повеќе застрашува е дека Илија Димовски овие закани со спружување на насловна страница, ги упатува без никаква задршка – пред камери, на очиглед на цела македонска јавност и ич око не му трепнува.
Ова е истиот Илија Димовски кој и сега е пратеник на „реформираното“ ДПМНЕ. Овој истиот Илија сега зборува за демократија, правда и слобода на медиумите. Треба ли да се потсетуваме на бомбата како Латас вели дека му ја направиле телевизијата „куртон медиум“ и како од 10 вести 7 биле по нарачка од центарот на комуникации на ДПМНЕ. Илија сето тоа уште во далечната 2012 година (3 години пред „бомбите“ на Заев) ни го кажа јавно, јасно и гласно на собраниска седница.
Ете тоа е луцемерието кое сега сакаат да ни го продадат и протнат како „реформа“, истите оние луѓе, истите пратеници од ДПМНЕ.
Димовски беше директор на Центарот за комуникации на ВМРО-ДПМНЕ од 2007 година па се до 2014 година кога ја презеде функцијата координатор на пратеничката група, или преведено – во најцрните денови на македонското новинарство и слободата на медиумите.
За жал и денес овој Илија Димовски – политичар од редовите на ВМРО-ДПМНЕ и креатор на насловни страници и вести, сè уште е радо виден гост на дебатни емисии на сите телевизии.
Ј. Ѓорѓиоски
