Французите ќе му пркосат на корона вирусот, повеќе од 47 милиони избирачи се повикани денеска да гласаат на општинските и меѓуопштинските избори и да изберат меѓу 900.000 кандидати, односно 1,34 отсто од населението на земјата се канадидати, јави дописникот на МИА.
Од овие 900.000 кандидати ќе бидат избрани скоро 500.000 во 35.000 општини Тие ќе станат општински советници или помошници градоначалници, па дури и градоначалници, најголемиот дел од нив, особено во малите општини не се платени за извршувањето на функцијата или пак се платени навистина многу малку.
Но тоа што загрижува е евентуланата излезеност, испитувањата на јавното мислење покажуваат дека дури 28 отсто од гласачите нема да одат да гласаат поради стравот од Ковид-19. Најизложени од ризикот се сениорите, кои вообичаено гласаат за десницата. За нормално спроведување на изборите во контекст на корона вирусот, општините набавија геловиза дезинфекција, пенкала за една употреба итн.
Инаку, во Франција од корона вирусот досега починаа 91 лице, луѓе, најголемиот број се стари лица на визраст од над 80 години, а 4500 се заразени, од нив 400 лица се уште се во сериозна состојба. А ритамот на заразувањето се забрзува со околу 800 нови случаи дневно.
Премиерот Едуар Филип вчера најави затворање на сите јавни места, освен продавниците за храна и апотеките, а за одложување на изборите е предоцна, иако повеќе гласови како од левицата, така и од десницата повикаа да се одложи денешното гласање.
