Во првото тримесечје на оваа година скенирани се вкупно 49,9 милиони фискални сметки со остварен промет од вкупно 21,9 милијарди денари со вкупен ДДВ од 2,2 милијарди денари, информираа од Министерството за финансии.
Вчера беа извлечени и 15-те најсреќни добитници на награда од по 100 илјади денари, а кои скенирале сметки во текот на март. Ванче Василески, Катерина Апостолова, Зорица Илиев, Весна Макашевска, Дејан Ѓошев, Славко Јанковски, Љика Митева, Фадил Угљанин, Сеља Хаџи, Војче Мирчески, Благој Тунџов, Фарук Ајрулаху, Виктор Устијаноски, Мише Милановски и Деан Андреевски се граѓаните кои беа извлечени во саботата, во вечерниот термин на Канал 5 ТВ.
Поделени по градови, шестмина од наградените се од Скопје, по двајца добитници се од Струмица и од Прилеп и по еден од Штип, Охрид, Пробиштип, Тетово и Богданци.
