Бројот на починати од новиот коронавирус во Шпанија надмина 20.000 луѓе, соопшти шпанското Министерство за здравство.
Во Шпанија починаа 20.043 луѓе од избувнувањето на епидемијата и таа земја, во светски рамки, е трета по смртност од Ковид-19. Во Европа, Шпанија е земјата со најмногу заразени, додека во светот, пред неа е само САД.
Во последните 24 часа починаа 565 луѓе, што е мало намалување од 585 смртни случаи во однос на претходниот ден.
