Се укинува државната матура, училишната матура и завршниот испит за оваа учебна година, одлучила Владата на денешната седница, објави министерот за образование Арбер Адеми на денешната пре конфернција.
Адеми посочидека Владата на Република Северна Македонија на денешната седница усвои сет образовни мерки со кои се обезбедува непречено функционирање на воспитно – образовниот систем.
– Учениците од основните и средните училишта не се враќаат во училишните клупи до крајот на наставната година, а тековната учебна година до крај ќе продолжи да се реализира преку организирање на далечинско учење, односно учење од дома. Уписот на првачињата за учебната 2020/2021 година ќе се врши во јуни, а исто така се уредуваат и уписите на високообразовните установи, посочува Адеми.
Во однос на високото образование Адеми рече дека на факултетите ќе може да се запишат студенти со диплома за завршено средно образование, лица што полжиле државна или меѓународна матура во учебната 2018-2019, како и лица кои завршиле средно образование пред воведување на условите за полагање државна матура.
