Ковид-19 : 36 новодијагностицирани, 13 оздравени, активни 419 случаи. Во изминатите 24 часа направени се 411 тестирања, а потврдени се 36 нови случаи на ковид-19 и тоа во: Скопје-7, Куманово-4, Прилеп-4, Тетово-12, Велес-6, Гостивар-1, Пехчево-1 и Берово-1. Досега во земјата се направени вкупно 18821 тестирања на КОВИД-19.
Спасовски за „Диво Насеље“- Нарачателите имаа подмолна намера, присебноста на граѓаните не им дозволи да ја остварат. Денеска навршуваат 5 години од „Диво насеље“. Два дена Куманово и целата земја, во страв и неизвесност, го исчекуваа епилогот од вооружената пресметка во која животот го загубија осум припадници на Министерството за внатрешни работи Љубиша Аранѓеловиќ, Бобан Ивановиќ, Горан Илијевски, Жарко Кузмановски, Исамедин Османи, Сашо Самојловски, Ненад Серафимовски и Горан Стојменовиќ. Слава им!– напиша Спасовски.
Костадинов: Мицкоски да се пријави во Шутка откако излегоа докази дека соработувал со Кичеец.
Спасовски: Оставката од Чулев морален чин, непочитување одлуки и неактивирање на полицијата бара одговорност. Побарвме и да се отвори постапка и во делот на организација на настанот во МВР, рече премиерот денеска одговорајќи на новинарски прашања по обраќањето пред Споменикот на ослободителите на Скопје во дворот на Владата на Република Северна Македонија, а по повод 9 Мај.
Димитров: Одлуката за отворање на границите зависи од тоа што ќе се случува со епидемијата. Одлуката за отворање на границите зависи пред се од два фактори – прво што се случува дома, завчера имавме нови 33 заразени, вчера имаше пад. Значи многу ќе зависи што ќе се случува дома и тоа ќе влијае врз нашата одлука за отворање на границите. Второ во моментот кога ќе се отворат границите влегуваме во фаза во која сите мерки досега се затвораат, влегуваме во нова фаза, бидејќи имаме константен прилив, изјави денеска министерот за надворешни работи Никола Димитров.
Слободанка Алексовска е женcкото лице чиј глас се слуша во објавените аудиоcнимки меѓу Мицкоски и Кичеец.
