По објавата на информацијата на А1он за скандалозната набавка на два телефони за Кабинетот на министерот Чулев, во износ од 173.980 денари, Фронтлајн побара потврда од Министерството за внатрешни работи. Одговор сѐ уште нема, како на ова прашање, така ни на низа други прашања кои се поставени во текот на изминатите денови. Овој текст е даден на објавување во 14:30 часот денеска.
Што се однесува до набавката на телефоните, само за едниот се платени 86.990 денари – пари на македонските граѓанки и граѓани, што е и највисоката продажна цена за мобилен уред во нашата земја. Како што се вели во објавата на А1он, едниот од уредите е наменет за министерот Наќе Чулев, а другиот за неговиот шеф на Кабинетот. Двата телефона се набавени неколку дена по назначувањето на Чулев на функцијата технички министер за внатрешни работи.
Фронтлајн ги очекува одговорите на ова и на другите прашања во врска со работењето на техничкиот министер за внатрешни работи. Прашањата се поставени и јавно, а во текот на утрешниот ден, редакцијата ќе направи видео избор од неодговорените прашања од јавноста.
Оваа информација беше демантирана со допис од МВР во 15:37 часот. Фронтлајн веднаш го објави демантот.
