Масното ткиво кога го гледаме од надвор, значи дека стасало до точка кога веќе сите внатрешни простори и резерви телото ги исполнило, што значи дека има внатрешно масно ткивко кое прави притисок. И тука е клучниот момент. Зошто белите дробови кај КОВИД-19 страдаат? Заради тоа што се притиснати од масното ткиво кое ја притиска дијафрагмата кон горе. Вториот момент е што помеѓу ребрата имаме мускулатура, која при зголемена телесна тежина заради набивањето ослабува. И можноста за респирации е намалена, изјави во „Утрински брифинг“ на „Слободна ТВ“ д-р Митов.
Третата причина се клетките што припаѓаат на имуниот систем.
-Третата, биолошка причина е што во масното ткиво има многу повеќе макрофаги, клетки кои што припаѓаат на имуниот систем. Токму тој наплив на имуниот систем кога неконтролирано ќе удри по органите, многу често доведува до катастрофални ситуации. Значи се создава многу лоша комбинација – намален физички простор, намален капацитет за вентилаци и раздраздливост на имуниот систем и сите заедно прават драматично полоша ситуација, рече Митов.
Неопходна е промена на навиката кај луѓето со цел создавање на здрави навики.
-Кај КОВИД -19 во Франција дури 90% од луѓето со многу зголемена телесна тежина завршиле на респиратор. Зголемувањето на телесната тежина е многу долг процес. Треба да се сменат навиките кај луѓето. Треба да се пробие ледот и човекот да почне да пешачи. Мојата методологија ја нарекувам 1%. Податоците за зголемената телесна тежина нема да звучат научно фантастично. Причините ги знаеме сите и нема некоја поголема потреба од дополнително проучувања и објаснување. Како што ги знаеме причините, така ги знаеме и начините да се справиме со зголемената телесна тежина, најважното е да направиме лична одлука дека сакаме да ја смениме таа состојба, вели д-р Митов.
Пандемијата треба да се сфати сериозно, без да ни се случат сценаријата на Шпанија и Италија.
Кристално е јасно дека како ќе се однесуваме таков исход ќе добиеме. Движењето на пандемијата зависи од нашето однесување. Не сакам ни да помислам дека треба да ни се случи Италија или Шпанија за да сериозно ја сфатиме пандемијата, додава д-р Митов.
