Има желба за разговори и консензус, но нема поместувања во однос на разликите за датумот за избори.На два дена по лидерската средба и на 10 дена до истекувањето на последната, четиринаесетдневна вонредна состојба поради коронавирусот, разликите помеѓу владејачката СДСМ и опозициската ВМРО-ДПМНЕ во однос на терминот за одржување на парламентарните избори остануваат исти.
Денеска одлука каков ќе биде режимот на движење за време на продолжениот викенд за Бајрам.
Министерот Филипче на вчерашната прес конференција рече дека според епидемиолошките анкети, најголемото ширење на корона вирусот е поради приватните собири и помалите прослави во Скопје и Тетово.
Комисијата за заразни болести денеска ќе расправа за отворање на угостителските објекти. – Го најавивме отворањето на угостителските објекти во оваа недела, но во текот на дискусијата ги имавме предвид и претстојните празници за време на викендот, така што во текот на утрешниот ден ќе ја знаеме дефинитивната одлука согласно стручните препораки, истакна вчера Филипче.
Николоски се пожали, најбогатата партија во Европа нема пари за скапи кампањи.
Ние сакаме избори со нормална кампања. Мора да имаме избори во кои ќе можеме да се презентираме на граѓаните. Сите теренски активности и митинзи. Ние сме опозицијата, немаме друг начин да се претставиме. Ние немаме илјадници евра да пуштиме спонзорирања на Фејсбук. Ние немаме пари за да правиме скапи кампањи“, изјави Николовски
Променливо облачно и многу топло, попладне нестабилно со породен дожд.
Максимална дневна температура до 31 степен.
Со здравје да се видиме на изборите во јули, пишува новинарот Сашо Орданоски во својата најнова колумна….Дел од содржината: Се расчистија и правните недоумици, бидејќи ако изборите не се одржат во макар и најоптегнатите правни рокови на веќе распишаните, па прекинати изборни активности, еден обичен поднесок до Уставниот суд ќе може да ги доведе во прашање резултатите на одложените избори. Новиот собраниски состав, пак, ќе мора ургентно да се позанимава со прилагодување на уставните одредби (пред сè со онаа епохална непредвидена глупост еднаш распуштениот, здрав и жив, легален собраниски состав да не може, во вонредна здравствена ситуација, макар и виртуелно, повторно вонредно да се состане!) и изборното законодавство, за да можеме правно да се подготвиме за следната епидемиска изборна ситуација. Како што велат, нели, тоа ќе биде новата нормала.
