Претседателот на СДСМ, Зоран Заев во пост на Фејсбук ги опфати сите досега завршени инвестиции како дел од стратегијата за изградба на инфраструктурата.
Заев потенцира дека се комплетирани речиси 80% од примарната и секундарна гасификација, во тек е изградба на 500 километри водоводна и канализациона мрежа и изградени се 3 пречистителни станции.
Капиталните инвестиции продолжуваат со забрзана динамика. Градиме инфраструктура за сите – ја спроведуваме долгорочната стратегија за изградба на инфраструктура која ќе остане и за идните поколенија, дури и во вонредни околности.
Интензивно се работи на локалната инфраструктура во фаза во која е отпочната изградба на дополнителни 500 км водоводи и канализации.
Северна Македонија во 2019 и во 2020 во услови на корона криза, заврши 80% од примарната и секундарната гасификација, проект кој се одолговлекуваше речиси 20 години.
Со помош на нашите европски партнери, изградивме 3 пречистителни станици на главните еколошки текови во државата. Чистата животна средина носи поздраво население.
Инвестициите во инфраструктурата отвораат нови работни места, влијаат на движењето на економијата и го подобруваат животот на секој еден граѓанин, напиша Заев на Фејсбук.
