СРЕДБАТА на СДСМ и ВМРО-ДПМНЕ, Зоран Заев и Христијан Мицкоски кај претседателот Пендаровски завршила без договор.
МИЦКОСКИ не спомнал ни З од здравство и здравствена криза на лидерската. Главна цел му била да предизвика што поголема збрка со правни прашања за кои законите и процедурите се јасни, брифираат извори од СДСМ за Фронтлајн.
ФРОНТЛАЈН го контактираше докторот кој ја породи родилката позитивна на Ковид19 се тестираше и испадна позитивен на Ковид-19. Фронтлајн утврди дека се работи за навидум мала, но значајна грешка во обработката на информациите. Имено се работи за тест кој не е признаен и врз чија основа не може да се тврди дека некој е позитивен или не.
ВЕЧЕР завршува вонредната состојба, што беше воведена од страна на претседателот Стево Пендаровски заради состојбата со епидемијата во земјава.
По ПРЕСТАНУВАЊЕТО на вонредната состојба, остануваат во сила мерките со кои се ослободуваат од работните обврски родителите кои што имаат деца до 10-годишна возраст или активно четврто одделение, хронично болните лица и бремените жени.
ФИЗИЧКИТЕ лица кои дале согласност за донирање на вратениот ДДВ во првиот квартал од 2020 година добиваат можност да го променат одговорот најдоцна до 30 јуни 2020 година и да се стекнат со право на враќање на ДДВ на нивните трансакциски сметки најдоцна до 30 јули 2020 година.
За МАКЕДОНСКИ државјани, граничните премини за излез од Северна Македонија се отворени со потпишување на соодветна изјава која ја издава МВР на самиот премин. Со таа изјава, секој граѓанин се обврзува дека нема да бара помош од државата, во случај на проблем во странство.
НА 117 компании со 3001 вработен досега им се одобрени средства од втората бескаматна кредитна линија „Ковид 2“ преку Развојната банка на Република Северна Македонија, а на 83 од нив веќе им се исплатени средствата.
ВИЦЕПРЕМИЕРОТ и висок функционер на ДУИ, Бујар Османи преку Фејсбук реагираше на веста на „Лајм“ во која се тврди дека ДУИ им платиле на навивачката група „Комити“ за вечерва да им го демолират билбордот кои сами го поставија спроти Владата.
МИНИСТЕРКАТА за одбрана, Радмила Шекеринска во посета на армискиот полигон Криволак, каде интензивно се вршат реконструкции и се создаваат поволни услови за негова употреба во полн капацитет со пробивање нови патишта до полигонот.
ЕВРОАМБАСАДСОРОТ Самуел Жбогар: Прашање на денови е кога Европската Комисија ќе ја предложи преговарачката рамка што ќе биде исчекор во следната фаза на нашите преговори со земава.
Во ПЕКИНГ под карантин се ставени 11 станбени квартови поради појава на ново жариште на Ковид-19 на пазар, соопштија денеска кинеските власти.
ВРЕМЕТО во земјава ќе биде сончево со мала до умерена облачност. Попладне ќе има извесно зголемување на облачноста.
АМСМ информира дека сообраќајот на државните патишта изутринава се одвива по суви коловози, а интензитетот на патните правци надвор од градските средини е умерен.
А. Н. С.
