Клиниките се отповарени, персоналот е преморен и под притисок, медицински тимови се носат од внатрешноста за да има ротација а во наредните седум дена бројот на хоспитализирани ќе биде поголем од бројот на оние кои ќе бидат пуштени дома, изјави министерот Венко Филипче на денешната прес конференција.
„Инфективните одделенија и клиниките се оптоварени, дел од здравствените работници навистина изморени, состојбата на сите одделенија бара постојан надзор и реорганизација на работата. Во оваа фаза од епидемијата мора да се организираме и да се подготвиме за целосно амортизирање на напливот на пациенти преку мобилизација и организација на сите расположливи ресурси во нашата земја. Мораме и можеме да го заштитиме здравствениот систем, да го намалиме колку што може повеќе притисокот врз здравствените работници и да обезбедиме прием и добро лекување на сите пациенти кои имаат потреба од тоа“, рече министерот Филипче.
Токму затоа двата Ковид центри во Скопје- Инфективната клиника и во Градската болница „8 Септември“ од вчера се засилени со 54 доктори и медицински сестри од Клиниките во друготе градови од државата со што ќе може да се обезбеди простор за роптација и одмор на персоналот. Помош понудија и приватните здравсени установи чиј персонал ќе се повика доколку има дополнителна потреба.
Според Филипче хоспитализирани се 330 пацинети, но капацитетите на ковид центрите и инфективните оддленија не се исполанети. Од денеска работи и монтажната болница до Инфективната клиника како помошно одделение. Во Градската болница има 250 слободни кревети а на Инфективните одделенија во Нитола, тетово и Кавадарци има доволно кадар и простор за нови пациенти. Како можност се смета и на трите приватни болници во Скопје кои имаат одделенија за изолација и би биле активирани доколку ситуацијата драматично се влоши.
„Во моментот капацитетите на клиниките и одделенијата се различно пополнети, во зависност од капацитетите, пополнетоста е далеку од максимумот, повеќето клиники и инфективни одделенија и покрај тоа имаат потреба од поддршка, од дополнителен број доктори и сестри и токму тоа се спроведе во изминатите денови“, рече Филипче.
И капацитетите во охридската болница за прием на заболени од Ковид 19 се речиси исполнети, нема да се примаат повеќе пациентите од струшкиот регион. На Инфективното одделение се хоспитализирани 15 пациенти позитивни, а уште 9 високо сомнителни случаи има во дополнително отворените оддели во геријатрија и хируршкото одделение. Докторите , медицинскиот персонал, како и целокупните болнички капацитети се значително оптоварени.
Во интерното одделение пак во Струга моментално има 9 сомнителни пациенти на коронавирусот а дополнителен проблем е што нема епидемиолози и специјалисти по инфектологија тие бараат насоки и упатства од министерството за здравство.
