Лидерството на претседателот на СДСМ, Зоран Заев го овозможи потпишувањето на Преспанскиот Договор со Грција, донесе државничка и храбра одлука во интерес на државата и сите нејзини граѓани, се вели во соопштението на СДСМ.
Тие истакнуваат дека денеска Северна Македонија е членка на НАТО и има одлука за почеток на преговорите за членство во ЕУ. Од „заробена држава“ станавме светол пример во регионот.
„Од друга страна Христијан Мицкоски и ВМРО ДПМНЕ со полна пареа работеа против овој Договор, на штета на граѓаните и правеа се да го спречат напредокот и интегративниот процес.
Лицемерните, но и деструктивни политики на Мицкоски и ВМРО ДПМНЕ одеа до таму што свесно манипулираа со граѓаните ширејќи им паника преку лажни информации и конструкции.
Мицкоски и фејк њуз партијата ВМРО ДПМНЕ, силно го критикуваа Договорот од Преспа, не го признаваа уставното име на државата, додека во исто време нивните пратеници примаа плати од Собрание на Република Северна Македонија.
Однесувајќи се крајно неодговорно кон граѓаните и државата, ВМРО ДПМНЕ и Мицкоски отидоа дотаму што се закануваа дека ќе го поништат Договорот од Преспа. Со што се ставија на страната на оние кои го загрозуваа членство во НАТО , напредокот на државата кон ЕУ, но и доброседските односи.
Освен Договорот од Преспа којшто на државата и го обезбеди членството во НАТО и и ги отвори без задршка вратите на ЕУ, ВМРО ДПМНЕ и Мицкоски, ги ризикуваа и добрите односи со Бугарија, критикувајќи го Договорот за пријателство, добрососедство и соработка.
Ова класично лицемерно однесување на неодговорниот Мицкоски беше демаскирано, кога седејќи на иста маса со претседателот на Бугарија, Бојко Борисов, шефот на ВМРО ДПМНЕ му кажа дека го „покрепа„ Договорот со Бугарија.
Времето на успешна реализација на штетните политики на ВМРО ДПМНЕ заврши на денот кога Никола Груевски ја напушти “Илинденска” бб, а државата се ослободи од стегите на режимот.
Не им успеаа нивните деструктивни обиди за блокирање и кочење на напредокот на државата, нема ниту сега да им успеат обидите за враќање на државата назад во времињата на изолација и поделби.„, се вели во соопштението за јавноста на СДСМ.
