Ветувањата за правда на ВМРО-ДПМНЕ се смешни, истакна Никола Димитров во дебатата на Телевизија 24.
„Големи чекори се направија во законодавството, тоа го зборува и ЕК тоа го зборува и Венецијанската Комисија, тоа го зборува и извештајот на ЕК меѓудругото, меѓутоа не е доволно. Мислам дека со нашите предлози и во однос на имотната состојба на судиите, на јавните обвинители, што е нешто што треба да се направи и во однос на другите мерки, ние мора одговорноста на правосудниот систем да ја ставиме на пиедестал.
Правда не е барање одговорност во другите политички редови, правда е кога е неселектива и нема нашите, вашите. Меѓутоа мислам дека главниот проблем зошто не сме позадоволни во оваа област е токму што од друга страна имавме една политичка сила со луѓе и низ администрацијата и низ судовите кои што врвна амбиција им беше да нема правда односно да се бега. – рече Димитров во „Отворено студио“ на Телевизија 24.
Токму затоа, нивните ветувања за правда се смешни, заврши Димитров.
