Албанскиот министер за внатрешни работи, Сандер Лешај изјави дека фронталната војна против канабисот до темел ги уништила сите насади со канабис во земјата, од нарко центарот Лазарат, па се до најстрмните планиски предели.
Според него, фронталната ангажираност на полицијата и другите државни институции направиле канабисот во Албанија да биде алтернатива без иднина.
-Во 2019 година, на италијанскиот брег беше запленета најниската историска количина канабис. Сите показатели за нивото на безбедност во земјата и резултатите во борбата против криминалот, вклучително и канабисот, се на најдобро историско ниво. Ништо не може да се спореди со времето кога со земјата владееше лазаратопатија, рече тој.
Неговата реакција доаѓа по обвинувањата на опозициската Демократска партија за зголеменото производство на марихуана во земјата,при што објавува и фотографии од парцели со ова наркотично растение во планинските предели од неколку места во земјата, а така е, обвинува, низ целата територија на земјата.
-Фотографиите не се само фијаско од аспект на информирање, туку и уште една потврда дека ДП не е заинтересирана за вистината, туку за дезинформирање на јавноста.Кога Демократската партија зборува за канабис, дефиницијата за лицемерие станува самата ПД. Гордите основачи и бескрупулозните корисници на европската престолнина на канабисот, Лазарат, најмалку имаат право да покажуваат со прст кон некој друг, рече Лешај.
Споредбата на сегашната состојба со времето на владата на ПД, продолжи Лешај, има толку големи разлики што самата споредба личи на злоупотреба.
Опозициските демократи обвинуваат дека „целата територија на државата мириса на марихуана“.
-Албанија веќе две години е целосно засадена со дрога, но полицијата се прави дека не гледа, дека слуша, за да не ги вознемири нарко босовите кои се во партнерство со владата,обвини опозицијата.
И во деновиве објавениот извештај на Италијанскиот сектор за борба против мафијата Албанија се посочува како светски производител на марихуана.
