Министерката за надворешни работи на Косово, Мелиза Харадинај изрази загриженост поради информацијата дека Србија се снабдува со дронови и ракети од Кина, јави дописникот на МИА од Приштина.
#Kosovo expresses its concern w/ #Serbia‘s purchase of drones & missiles from #China. After continuous arms deals w/ #Russia, recent purchases expose a direct threat to peace & stability of the #WesternBalkans countries – a region that is determined to its #EU – #Atlantic path!
— Meliza Haradinaj (@MelizaHaradinaj) July 20, 2020
Харадинај преку објава на својот официјален профил на Твитер напиша дека постојаното вооружување на Србија со кинеско и руско оружје претставува „директна закана за мирот и стабилноста“ на Западен Балкан.
– Косово ја изразува својата загриженост поради тоа што Србија купува од Кина дронови и ракети. По постојаните договори за купување оружје од Русија, последните набавки претставуваат директна закана за мирот и стабилноста на земјите од Западен Балкан, регионот кој е решителен на својот евроатлантски пат, напиша Харадинај./МИА/
