Извршено е комплетно реновирање на интензивниот оддел, како и одделите за хронична и акутна дијализа, одделот за трансплантација на бубрег, како и одделот за васкуларни пристапи, напиша на Фејсбук министерот за здравство, Венко Филипче.
Набавена е и нова медицинска опрема и со ова значително е унапреден квалитетот на здравствената заштита, имајќи предвид дека оваа клиника е единствена установа во државата која третира најкомплексни пациенти со бубрежни заболувања, напиша Филипче во објавата.