Во пресрет на средбата на лидерите од земјите од шест земји од Западниот Балкан в среда посветена на регионалната економска соработка, денеска ќе биде организрана онлајн дебата на која говорници ќе бидат извршниот потпретседател на Атлантскиот совет, Дејмон Вилсон и заменик претседавачот на Групата Олбрајт Стоунбриџ, Џим О’Брајан.
Во рамки на дискусијата Вилсон и О’Брајан ќе говараат за важноста на економската соработка на Западниот Балкан.
На самитот в среда, чиј организатор е Атлатскиот совет, е најавено учество на претставници на Северна Македонија, Албанија, Босна и Херцеговина, Косово, Србија и Црна Гора.
Според Атлантскиот совет, целта на самитот е постигнување на договор за економска соработка со цел забрзување на закрепнувањето од разорните последици на Ковид-19, преку поттикнување на можностите за економски развој.
– Договорот ќе биде заложба за смели, практични активности што ќе генерираат економска активност преку извршување на слободно движење на стоки, лица и услуги преку границите на регионот. Тој, исто така, ќе биде основа за привлекување странски инвестиции и забрзување на распоредувањето на средствата од фондовите за помош за справување со Ковид-19, информира Атлантскиот совет.
Последниот случај за кој ни раскажаа од надлежните домашни институции е од пред неколку дена, кога на ГП Богородица при влез во државава возач на камион, наш државјанин кој товарел стока во Турција, на царинските службеници им пријавил сомнеж дека во приколката има луѓе. Царинските службеници најпрофесионално постапиле во случајот, а по симнување на пломбата констатирале дека во приколката има седум мигранти и во координација со полициските служби на ГП Богородица го предале предметот во нивна надлежност. Возачот на камионот по спроведената истрага е ослободен да го продолжи патувањето бидејќи се докажало дека мигрантите илегално биле уфрлени во неговата приколка, односно дека тој нема вина. Но таков среќен крај немаат сите вакви случаи, покажуваат искуствата на транспортните асоцијации на нашите превозници.
Билјана Муратовска, генерална секретарка на Асоцијацијата на камионски транспоретри Макам-транс, за МИА појасни дека возачите вршејќи го превозот на стока мора да ги почитуваат и правилата на Европскиот договор за работа на екипажот на возилата во меѓународниот патен транспорт (АЕТР) за работно време, време на возење и задолжителни дневни и неделни одмори. Со тоа, укажува, стануваат лесна цел на криминогени структури, кои им помагаат на мигрантите да се качат во товарниот простор на возилата или ги качуваат уште и при товарењето на стоката на местото за товарење.
Возачите користат платени паркинг-плацеви таму каде што ги има, но и простори на бензински станици направени за таа намена. На целиот транспортен коридор, укажува, не постојат безбедни простори за паркинг на товарни моторни возила.
– Со овој чин му се нанесува огромна штета на превозникот и тоа со оштетување на царинска сајла, сечење церада, но и со уништување на дел од стоката што ја превезуваат и честопати таа во целост или делумно не се прима на местото на истоварување ( храна, медицински препарати и сл.). Превозниците кои имаат ЦМР-осигурување наидуваат на проблем кај осигурителните компании, кои самите си толкуваат дека оштетена стока со влез на мигранти во товарниот простор не може да се третира како одговорност на превозникот, заборавајќи ги притоа основните правила на ЦМР-конвенцијата (Договор за меѓународен патен превоз) и Законот за договорите за превозот во патниот сообраќај, каде што јасно е наведено дека за стоката е одговорен превозникот од моментот на преземање на стоката, па сè до нејзино истоварување во местото за прием на стоката, без разлика на причината за нанесената штета, освен ако се работи за груба небрежност на возачот, изјави Муратовска.
