Учесниците на ултра маратонот „Артерија на Арбр“ доцна попладнево пристигнаа во Дебар.
Тие беа пречекани во центарот на градот на плоштадот „Скендербег“, од поголем број граѓани и претставници на локалната власт, предводени од градоначаланикот Хекуран Дука.
– Ви посакувам топло добрдојде, пријатни мигови во Дебар, чии жители се познати по нивната гостопримливост. Ви чиститам на вашата одлука и истрајност да минете толку долг пат. Честитки и уште многу вакви подвизи, рече меѓу другото Дука.
Маратонците и присутните граѓани ги поздрави и новоизбраната пратеничка од Дебар во македонскиот законодавен дом Арбана Пашоли.
Оваа активност ја организира „Маратон Албанија“, а учествуваа главно жители на Тирана од различна возраст, меѓу нив и неколку чии предци потекнуваат токму од Дебар.
Маратонците тргнаа вчера од плоштадот „Скендербег“ во Тирана и минаа пат во должина од 116 километри преку атрактивна природа. Организаторот за нив обезбедил вода, храна, како и присуство на лекар во текот на целото време.
На учесниците им беа доделени признанија и медали.
Инаку, до година треба да заврши изградбата на автопатот „Руга е Арбрит“ (патот на Арбар) со чја изградба оддалеченоста меѓу Тирана и Дебар се скусува за повеќе од 100 клометри и ќе изнесува 72 километра.
