Оваа година, во рамките на Фестивалот за современа музика МОДОАРС ќе се одржат два концертни настани:
– 12.08.2020 – среда, 21:30 часот – Излет кафе, Скопје
Концерт на Тони Китановски – гитара
– 13.08.2020 – четврток, 21:30 часот – платформа на плажата Куба Либре, Охрид
Концерт на Ема Попивода – пијано
Тони Китановски е еден од нашите најпознати џез музичари со интернационална кариера и во рамките на МОДОАРС 2020 ќе имаме несекојдневна можност да го слушнеме со солистика изведба на гитара. Ема Попивода е пијанистка која бележи бројни концерти во Македонија, но и низ целиот свет. На овој нејзин концерт ќе се изведат композиции за пијано на познати теми од легендарната група Битлси. Гостин на концертот ќе биде поетесата Наташа Сарџоска.
Фестивалот МОДОАРС оваа година ќе издаде и аудио издание – ЦД со композиции од македонскиот композитор Димитрије Бужаровски. МОДОАРС оваа година ги поддржува исклучиво домашните уметници. Концертите ќе се одвиваат на отворен простор, придржувајќи се на сите протоколи за заштита од КОВИД 19.
