Нови 119 случаи на заразени со Ковид-19, 22 оздравени и две починати лица е билансот од епидемиолошката состојба во Албанија во последното деноноќие.
-Во изминатите 24 часа направени се 501 тест на сомнителни случаи, при што позитивен резултат е добиен кај 119 од нив, со што вкупната бројка на заразени од почетокот на пандемијата досега се зголеми на 7.499. Во исто време, во списокот на оздравени се внесени 22 пациенти или 3.816, додека битката со опасниот вирус ја изгубија двајца или вкупно 230 пациенти, соопштија од Министертвото за здравство и социјална заштита.
Активни на болеста се 3.453 лица, поголемиот процент се лекуваат амбулантски или во домашни услови, додека во двете болници Ковид се третираат 117, од нив 21 се во тешка здравствена состојба.
Во меѓувреме американската амбасадорка во Тирана, Јури Ким преку Твитер објави дека се донирани нови комплети тестови на Институтот за јавно здравје, со што вкупната бројка на досега донирани тестови се зголемува на 32.160.
??️ delivered more #COVID19 test kits to the Institute of Public Health & Mother Teresa Hospital this week, for total of 32,160 tests donated so far + automated extractor machine to enable more tests more rapidly. Allies always help each other in times of need! pic.twitter.com/rtJsDzle63
— Ambassador Yuri Kim (@USAmbAlbania) August 16, 2020
Освен тестови дониран е автоматизран апарат за правење повеќе брзи тестови.
-Сојузниците секогаш си помагаат еден на друг во случај на потреба, напиша амбасадорката.
Од друга страна опозицијата и понатаму ја обвинува владата за нетранспарентност околу податоците за бројот на заразени и починати, како и малиот број на тестови направени во текот на еден ден.
Бројот на заразени сметаат дека е многу повисок, како и на починати, нагласувајќи дека е потребно дневно да се прават најмалку по 2.000 тестови за Ковид-19.
Од почетокот на пандемијата, во првите денови од месец март до сега, во Албанија направени се вкупно 50.928 тестови./МИА/
