Во дом за грижа на стари лица во северниот дел на Атина, вчера беа потврдени 19 случаи на Ковид-19, по што од Генералниот секретаријат за цивилна заштита на Грција донесоа одлука за воведување десетдневен карантин, јави дописничката на МИА од Атина.
Од заразените, 18 се лица згрижени во домот, а еден е вработен.
Карантинот беше воведен синоќа, а до 12 септември забранет е влез и излез од центарот за грижа на стари лица, додека пак полицијата е задолжена за почитување на мерките.
Во изминатиот период имаше три случаи на појава на коронавирусот во домови за стари лица, два во Солун и еден во Атина.
Од еден од домовите во Солун, починаа над 20 лица, кои беа хоспитализирани, откако се потврди дека се позитивни на Ковид-19.
