Џабир Дерала, ЦИВИЛ, денеска по електронска пошта до ВМРО-ДПМНЕ и на социјалните мрежи потсети дека не добил никаков одговор на претходните пораки и на поканата за интервју со лидерот на партијата, Христијан Мицкоски. Во својата објава, Дерала напиша: „Ве молам, во интерес на јавноста, да ме известите дали и кога ќе обезбедите термин за интервју“.
Понатаму, во својата порака до Мицкоски и партијата, Дерала пишува:
– За денеска, моето прашање до г. Мицкоски и до раководството на партијата ВМРО-ДПМНЕ е поврзано со објавите на Твитер профилот со името Јордан Груев, кој се претставува како еден од иницијаторите за формирање на ВМРО-ДПМНЕ во 1989 година.
Тој во своите објави често се користи со говор на омразата. Во една од своите објави на Твитер, тој пишува: „Забрчанец позитивен на коронавирус. Добра вест за СДС. Уште еден Северџанец со корона. Ќе се помолиме да цркне.“ Моето прашање до Вас е:
Дали се согласувате со овој став и што ќе преземете во врска со оваа порака од, наводно, иницијатор за формирање на Вашата партија?
Според Дерала, повеќе десетици прашања испратени до Мицкоски и партијата во текот на изминатите 3 години стојат неодговорени. Тој испрати јавна покана за интервју со дваесетина прашања за интервју.
Јавна покана за интервју со господин Христијан Мицкоски (прв дел)
Јавна покана за интервју со господин Христијан Мицкоски (втор дел)
