По повод Денот на ослободувањето на Скопје, Дирекцијата за култура и уметност на Скопје третпат годинава ќе ја реализира мултимедијалната манифестација „Денови на европско Скопје“ што ќе се одржи под покровителство на Град Скопје, а со поддршка од Канцеларијата на Европската Унија во земјава.
Годинашната програма во малку поразлични услови од претходните, почна денеска во Институтот за македонски јазик „Крсте Мисирков“, каде се одржа мултимедијален омаж за хроничарот на Скопје, Данило Коцевски.
Делови од богатото творештво на Данило Коцевски интерпретираа Ана Голејшка Џикова, Васко Марковски и Владимир Мартиновски, кои споделија и искуства од дружењата со Коцевски.
Данило Коцевски има објавено триесетина дела од најразлични жанрови. Пишувал драми, од кои неколку се изведени и наградени. Сепак неговот име се поврзува како хроничар на градот Скопје. Коцевски беше автор на серијалот текстови „Скопски легенди“ во „Нова Македонија“, во кои беа објавени бројни приказни поврзани со историјата на Скопје, а во 2017 година Дирекцијата за култура и уметност со истиот наслов издаде книга која е една од трите изданија на Дирекцијата посветени на творештвото на Коцевски заедно со „Го сакам Скопје“ издадена во 2000 година и „Магијата на Скопје“ издадена во 1997 година.
Тој е добитник на престижни признанија од областа на книжевноста и публицистиката, а негови текстови се преведени на неколку јазици и застапени во неколку антологии. Првата книжевна творба ја објавил во весникот „Нова Македонија“ во 1962 година и оттогаш објавувал континуирано се до денес. Познат е пред се како книжевен критичар и теоретичар. Но, пишувал и проза, поезија и драмски текстови. Објавил 26 книги од сите жанрови, како и неколку драмски текстови од кои некои се. Добитник е на еминентни признанија од областа на книжевноста и публицистиката, a негови текстови се преведени на неколку јазици и застапени во неколку антологии. Познат е и како хроничар на градот Скопје, со неколку издадени книги и повеќе документарни и телевизиски емисии посветени на градот.
Во рамки на манифестацијата „Денови на европско Скопје“, на петти ноември во Институтот за македонски јазик „Крсте Мисирков“ ученици од основните и средните училишта ќе настапат со свои литературни творби по повод празникот на градот Скопје. Книжевно-поетското дружење ќе се одвива на европски и на балкански јазици со почеток во 12 часот.
Како што е најавено, Дирекцијата за култура и уметност во соработка со Канцеларијата на Делегацијата на ЕУ во Скопје, на 20 ноември годинава ќе доделат награди за најдобрите три авторски текстови изработени од новинарите и од студентите по новинарство во рамки на конкурсот „Мостовите на Скопје“.
Ќе се одржи и работилница насловена „Мостовите на Скопје“ со учениците од ДСУЛУД „Лазар Личеноски“ под менторство на Љупчо Илиевски – фотограф, со награди за најдобрите три фотографии.
Ќе се одржи работилница со наслов „Мостовите на Скопје“ со учениците од средните училишта во Скопје, каде ментор ќе биде Александар Кондев – фотограф, вклучувајќи и награди за најдобрите три фотографии. Наградите ги доделува Градот Скопје.
Активностите ќе се одвиваат согласно протоколот за организација на настани во време на Ковид-19.
